دخول
بحـث
المواضيع الأخيرة
a-ad
a-ad1
سرقة عربية .........
صفحة 1 من اصل 1
سرقة عربية .........
= الو .. استاذ محمود معايا؟
_ اه
= طيب عربيتك معانا.. جهز ٢٠ الف جنيه واستنى مننا تليفون
_ جرى ايه يا ابن الـ (شتيمة) انت مصحينى الفجر عشان تهزر؟
= مش بهزر، وتقدر تتاكد بنفسك.. افتح الشباك وبص على عربيتك مش هتلاقيها.. وابقى جهز الفلوس واحنا هنكلمك
*بعد يومين*
= الو يا استاذ محمود.. جهزت الفلوس؟
_ ياعم حرام عليك انا غلبان وعلى باب الله
= كلنا على باب الله.. تصدق بالله
_ لا اله الا الله
= والله -وماليك عليا حلفان- الرجالة بتوعى بيصلوا العشا ويطلعوا يسترزقوا ومش بيخلصوا شعل غير والشمس بتشقشق، ويومية الواحد منهم ماتكملش ١٠٠ جنيه
_ اللهم قوي إيمانك انت ورجالتك.. بس ٢٠ الف مبلغ كبيـ...
= معنديش فصال، جهز فلوسك وبعد صلاة العصر تكون تحت كوبرى كفر الدوار واحنا هناخدك نسلمك عربيتك
*تانى يوم بعد العصر*
= خش يا استاذ محمود طلع عربيتك من وسط دول عشان تستلمها
_ دوَّرت ومش لاقيها يا معلم
= مش لاقيها ازاى، هى لونها ايه؟
_ احمر.. شيفروليه دبابة ٢٠٠٥ نقل البحيرة
= انا معنديش غير ٣ عربيات حمر هنا واحدة ديمكس، واتنين شيفرولية.. واحدة منهم نقل اسكندرية، والتانية نقل البحيرة بتاعتك، روح بص علي النمر واتفرج على عربيتك كويس
*بيتفرج كويس.. بيلاقى النمر نمر عربيته، والخبطات اللى فى الصاج كانت فى عربيته، بس مش بيلاقى فوانيس ولا تنجيد ولا كاسيت وسماعات*
_ انتوا عملتوا فيها ايه يا معلم؟
= والله دا اللى عندنا، مش عاجبك فلوسك فى جيبك وتوكل على الله.. وهاديك الامان لغاية ماتخرج برة منطقتى، غير كدة مش هكون مسئول لو رجعت بيتك من غير الفلوس هى كمان
_ خد يا عم حسبى الله ونعم الوكيل
= بتقول ايه؟
_ بقول والله انت انسان اصيل
*بعد شهر*
= الو يا استاذ محمود.. عربيتك معانا، جهز الفلوس واستنى تليفون، وماتبقاش تغير طبلة الباب عشان احنا مش بنفتح العربيات منها
*بعد شهرين*
= الو يا استاذ محمود.. انت عارف هتعمل ايه، واستنى مننا تليفون، وماتبقاش تركب جهاز انذار تانى عشان انت نومك تقيل وبنفصل صوته قبل ما تصحى
*بعد خمس شهور*
= الو يا استاذ محمود.. عشان انت بقيت زبونى عملتلك تخفيض، جهز ١٠ الاف بس وانت عارف الباقى، وماتبقاش تنقل محل اقامتك عشان لو روحت سكنت جنب مركز الشرطة هنسرقها برده
*بعد سبع شهور*
= الو يا استاذ محمود.. مش مستواك العربية اللادا دى، جهز خمس الاف جنيه بس، عرق الرجالة، وهنبقى نكلمك
*بعد سنة*
= الو يا استاذ محمود.. توك توك يا استاذ محمود! انت بتعمل كدة ليه ياخى حرام عليك.. جهز فطار للرجالة اللى تحت البيت، وابعت معاهم ١٠٠ جنيه مواصلاتهم.. ربنا ينتقم منك.. ربنا يوقف حالك زى ما وقفت حالنا.. حسبي الله ونعم الوكيل
*تاني يوم بعد الفطار*
= يدوم يا استاذ محمود
_ للاسف مش هيدوم كتير.. انا حطيتلكم سم فى الاكل
= ايوة بس انت اكلت معانا انت والمدام
_ اكلت معاكم عشان قرفت من عيشتى، وعشان محدش فيكم يشك فى الاكل
> طيب وانا يا موكوس، بتقتلنى ليه؟
_ طول عمرى ماليش فى العربيات وانتى اللى طلعتيها فى دماغى، وكل ما كانت تتسرق العربية مكنتش برضى ارجعها لولا انك كنتى بتزنى على ودانى.. انتى السبب.. انتى السبب.. انتى السبب
#
_ اه
= طيب عربيتك معانا.. جهز ٢٠ الف جنيه واستنى مننا تليفون
_ جرى ايه يا ابن الـ (شتيمة) انت مصحينى الفجر عشان تهزر؟
= مش بهزر، وتقدر تتاكد بنفسك.. افتح الشباك وبص على عربيتك مش هتلاقيها.. وابقى جهز الفلوس واحنا هنكلمك
*بعد يومين*
= الو يا استاذ محمود.. جهزت الفلوس؟
_ ياعم حرام عليك انا غلبان وعلى باب الله
= كلنا على باب الله.. تصدق بالله
_ لا اله الا الله
= والله -وماليك عليا حلفان- الرجالة بتوعى بيصلوا العشا ويطلعوا يسترزقوا ومش بيخلصوا شعل غير والشمس بتشقشق، ويومية الواحد منهم ماتكملش ١٠٠ جنيه
_ اللهم قوي إيمانك انت ورجالتك.. بس ٢٠ الف مبلغ كبيـ...
= معنديش فصال، جهز فلوسك وبعد صلاة العصر تكون تحت كوبرى كفر الدوار واحنا هناخدك نسلمك عربيتك
*تانى يوم بعد العصر*
= خش يا استاذ محمود طلع عربيتك من وسط دول عشان تستلمها
_ دوَّرت ومش لاقيها يا معلم
= مش لاقيها ازاى، هى لونها ايه؟
_ احمر.. شيفروليه دبابة ٢٠٠٥ نقل البحيرة
= انا معنديش غير ٣ عربيات حمر هنا واحدة ديمكس، واتنين شيفرولية.. واحدة منهم نقل اسكندرية، والتانية نقل البحيرة بتاعتك، روح بص علي النمر واتفرج على عربيتك كويس
*بيتفرج كويس.. بيلاقى النمر نمر عربيته، والخبطات اللى فى الصاج كانت فى عربيته، بس مش بيلاقى فوانيس ولا تنجيد ولا كاسيت وسماعات*
_ انتوا عملتوا فيها ايه يا معلم؟
= والله دا اللى عندنا، مش عاجبك فلوسك فى جيبك وتوكل على الله.. وهاديك الامان لغاية ماتخرج برة منطقتى، غير كدة مش هكون مسئول لو رجعت بيتك من غير الفلوس هى كمان
_ خد يا عم حسبى الله ونعم الوكيل
= بتقول ايه؟
_ بقول والله انت انسان اصيل
*بعد شهر*
= الو يا استاذ محمود.. عربيتك معانا، جهز الفلوس واستنى تليفون، وماتبقاش تغير طبلة الباب عشان احنا مش بنفتح العربيات منها
*بعد شهرين*
= الو يا استاذ محمود.. انت عارف هتعمل ايه، واستنى مننا تليفون، وماتبقاش تركب جهاز انذار تانى عشان انت نومك تقيل وبنفصل صوته قبل ما تصحى
*بعد خمس شهور*
= الو يا استاذ محمود.. عشان انت بقيت زبونى عملتلك تخفيض، جهز ١٠ الاف بس وانت عارف الباقى، وماتبقاش تنقل محل اقامتك عشان لو روحت سكنت جنب مركز الشرطة هنسرقها برده
*بعد سبع شهور*
= الو يا استاذ محمود.. مش مستواك العربية اللادا دى، جهز خمس الاف جنيه بس، عرق الرجالة، وهنبقى نكلمك
*بعد سنة*
= الو يا استاذ محمود.. توك توك يا استاذ محمود! انت بتعمل كدة ليه ياخى حرام عليك.. جهز فطار للرجالة اللى تحت البيت، وابعت معاهم ١٠٠ جنيه مواصلاتهم.. ربنا ينتقم منك.. ربنا يوقف حالك زى ما وقفت حالنا.. حسبي الله ونعم الوكيل
*تاني يوم بعد الفطار*
= يدوم يا استاذ محمود
_ للاسف مش هيدوم كتير.. انا حطيتلكم سم فى الاكل
= ايوة بس انت اكلت معانا انت والمدام
_ اكلت معاكم عشان قرفت من عيشتى، وعشان محدش فيكم يشك فى الاكل
> طيب وانا يا موكوس، بتقتلنى ليه؟
_ طول عمرى ماليش فى العربيات وانتى اللى طلعتيها فى دماغى، وكل ما كانت تتسرق العربية مكنتش برضى ارجعها لولا انك كنتى بتزنى على ودانى.. انتى السبب.. انتى السبب.. انتى السبب
#
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الإثنين مايو 09, 2016 10:59 pm من طرف Admin
» بابا انا جيت كيف
الأحد أبريل 03, 2016 11:02 pm من طرف Admin
» خدامتك اشراح
الأحد أبريل 03, 2016 10:59 pm من طرف Admin
» اسرع شعب ...
الأحد أبريل 03, 2016 10:55 pm من طرف Admin
» البنت بعد الجواز وقبل الجواز
الأحد أبريل 03, 2016 10:46 pm من طرف Admin
» حال البنت فى مصر
الأحد أبريل 03, 2016 10:44 pm من طرف Admin
» اكتر تلاته بيتشتموا فى مصر
الأحد أبريل 03, 2016 10:42 pm من طرف Admin
» المصرى اما يشترى عربية
الأحد أبريل 03, 2016 10:36 pm من طرف Admin
» فين المخرج ده
الأحد أبريل 03, 2016 10:22 pm من طرف Admin